وطن توں ٹرپئی چھڈ کے ، نبی دی آل صغری نوں
ناں سینے لا کے روسکیا، علی دالعل صغری نوں
جدائی دیکھ کے محمل ، دے پاسے وین پاؤندی رئی
دوبارہ دیکھ نئیں سکناں، بھراواں نال صغری نوں
اے جاندی وار اکبر نوں گزارش بھین نے کیتی
سنیڑا بھیج کے دیویں سفر دا حال صغری نوں
علی اصغر دی شرکت وی لکھی بابے نے مقتل چ
اے غم تحریر دا بھلنا نئیں پورا سال صغری نوں
خدا وندار داواں دے محافظ نوں رکھیں زندہ
نظر آؤندے نیں خاباں چ کھلے ہوئے وال صغری نوں
اسیری شام دے بازار دی ویکھی اے عابد نے
سناوے گا سیڈ کیویں اے استقبال صغری نوں
علی اکبر دے پیراں دے نشاناں تے روئے بیٹھی
اٹھاوے ماں کوئی ایتھوں اٹھاراں سال صغری نوں
اے نوحہ اے ثمر اوہدے بھراواں دی تیاری دا
سناواں کاش بقیعے چ میں سیداں نال صغری نوں
| Noha Title | Watan Tu Tur Payi Chad Kay Nabi Di Aal Sughra Nu |
|---|---|
| Noha Khuwan | |
| Poetry | Samar Abbas |
| Soz | |
| Sangat | Matmi Sangat Sani e Zahra |