لوکاں نیں مصطفی دی دهی دا حیاء ناں کیتا
اوہدے پتراں دے نل اوہنوں جھٹلا کے بھیجیا اے حق وی ادا ناں کیتا
فاطمہ چہ حق دے لئی وچ دربار دے جاندی ناں
ناں قتل ہوندی مدینے وچ ایہہ درد اٹھاوندی ناں
ایدی کلمہ گوواں رل کے جاگیر کھو لئی اے خوف اے خدا ناں کیتا
چہرے دے زخماں نوں کنج ایہہ سین چھپاوے گی
کیویں بابے دیاں اکھیاں دے ایہہ سامنے جاوے گی
ایدے پہلو تے دروازہ انجدا گرایا لوکاں ہتھ نوں جدا ناں کیتا
کچھ لوکاں نہیں علی دے گل وچ رسیاں پائیاں نیں
کی وفاواں اوہدے حصے دے وچ ویکھو آئیاں نیں
ایس شہر مدینے دے وچ کوئی کلمہ گو نئیں ایسا جس نیں دغا ناں کیتا
باپ دے غم وچ رونا زہرہ دے لئی اوکھا اے
ایس دنیا توں چپ کر کے ٹر جانا سوکھا اے
في القربى دا جو کیتا سی نال مصطفیٰ دے وعدہ وفا ناں کیتا
ہر اک ماتمی دے لئی واجب پرسہ داری اے
ایہہ عبادت اے ثمر جو رب نوں بوہت پیاری اے
اوہدا ہادی ضامن ہویا جس ماتمی نے کوئی پرسہ قضا ناں کیتا
