کتنے مظلوم ہیں یہ تیرے دلارے زینب
دور خیموں سے گئے پیاسے ہی مارے زینب
جن کی امید پہ پردیس چلی آئی ہو
بھائی بیٹے وہ گئے چھوڑ ہیں سارے زینب
یوں تیرے لعل زمیں پر ہیں گرے کرب و بلا
جیسے قرآن کے بکھرے ہوں سپارے زینب
صدقہ اکبر کا جنہیں کہہ دیا عبد اللہ نے
تھے یقینا وہ تیری آنکھ کے تارے زینب
جن میں جعفر کا لہو اور ادا غازی سی
کس طرح تیروں نے وہ زیں سے اتارے زینب
بے سہارا ہے رسن بستہ ہے اور قیدی بھی
قتل گاہوں میں ہیں سب تیرے سہارے زینب
ہو کا عالم ہے اندھیرا بھی ہے تنہائی بھی
کوئی سنتا ہی نہیں کس کو پکارے زینب
ہو کے قربان سبھی تنہا گئے چھوڑ ثمر
شام جائے گی بھلا کس کے سہارے زینب
Kitne Mazloom Hain Yeh Tere Dularay Zainab
Door Khaimon Se Gaye Pyase Hi Mare Zainab
Jin Ki Umeed Pe Pardes Chali Aayi Ho
Bhai Betay Woh Gaye Chhor Hain Saare Zainab
Yoon Tere Laal Zameen Par Hain Gire Karb O Bala
Jaisay Quran Ke Bikhre Hon Sparaay Zainab
Sadqa Akbar Ka Jinhein Keh Diya Abdullah Ne
Thay Yaqeenan Woh Teri Aankh Ke Taray Zainab
Jin Mein Jafar Ka Lahoo Aur Ada Ghazi Si
Kis Tarah Teeron Ne Woh Zeen Se Utaray Zainab
Be Sahara Hai Rasan Basta Hai Aur Qaidi Bhi
Qatl Gahon Mein Hain Sab Tere Saharay Zainab
Ho Ka Alam Hai Andhera Bhi Hai Tanhai Bhi
Koi Sunta Hi Nahin Kis Ko Pukaray Zainab
Ho Ke Qurban Sabhi Tanha Gaye Chhor Samar
Shaam Jaye Gi Bhala Kis Ke Saharay Zainab
