Mazduron Ke Kandhon Par Kazim Ka Janaza Hai
Baghdaad Ke Qaidi Par Zindaan Bhi Rota Hai
Is Dard Ne Turbat Main Sajjad Ko Tarpaya
Zindan Se Nikal Kar Bhi Azaad Na Ho Paya
Hai Pehla Janaza Jo Zanjeeron Mein Jakra Hai
Haye Zanjeeron Ko Takti Hai Shano Ko Hilati Hai
Mayyat Ko Kabhi Apni Goadi Main Uthati Hai
Ek Hath Hai Pehlu Par Lagta Hai Ye Zahra Hai
Zare Bhi Lahoo Rokar Rudaad Sunate Hai
Qadmon Ke Nishan Iske Zindaan Mein Batate Hai
Ye Naza Ke Aalam Main Kis Tarha Se Tarpa Hai
Jo Log Guzarte Hai Aapas Main Ye Kehte Hai
Gharwale Tu Yasrab Main Is Qaidi Ke Rehte Hai
Phir Iske Janaze Par Ye Kaun Zaeefa Hai
Kehti Hai Koi Bibi Hai Waqt Musibat Ka
Ab Jald Madine Se Aaja Ayy Raza Aaja
Begoro Kafan Kabse Beta Tera Baba Hai
Haye Har Roz He Jati Hai Wo Turbat E Zahra Par
Jakar Wahan Kehti Hai Masooma E Qum Rokar
Dadi Mere Baba Ko Kya Aap Ne Dekha Hai
Shabbir Ki Ghurbat Ka Nauha Ye Sunate Hai
Sukhe Hue Lab Uske Ummat Ko Batate Hai
Isne Bhi Dam e Akhir Paani Nahi Paaya Hai
Ghurbat Hai Takallum Ye Shabbir Ki Ghurbat Si
Ek Beti Hai Yasrab Mein Sughra Ki Tarha Iski
Is Waste Mayyat Ka Rukh Sue Madina Hai
مزدوروں کے کندھوں پر کاظمؑ کا جنازہ ہے
بغداد کے قیدی پر زنداں بھی روتا ہے
اس درد نے تربت میں سجادؑ کو تڑپایا
زندان سے نکل کر بھی آزاد نہ ہو پایا
ہے پہلا جنازہ جو زنجیروں میں جکڑا ہے
ہائے زنجیروں کو تکتی ہے، شانوں کو ہلاتی ہے
میت کو کبھی اپنی گود میں اٹھاتی ہے
اک ہاتھ ہے پہلو پر، لگتا ہے یہ زہراؑ ہے
ذرّے بھی لہو رو کر روداد سناتے ہیں
قدموں کے نشاں اس کے زنداں میں بتاتے ہیں
یہ نزع کے عالم میں کس طرح سے تڑپا ہے
جو لوگ گزرتے ہیں آپس میں یہ کہتے ہیں
گھر والے تو یثرب میں اس قیدی کے رہتے ہیں
پھر اس کے جنازے پر یہ کون ضعیفہ ہے
کہتی ہے کوئی بی بی ہے وقتِ مصیبت کا
اب جلد مدینے سے آجا اے رضاؑ آجا
بے گورو کفن کب سے بیٹا تیرا بابا ہے
ہائے ہر روز ہی جاتی ہے وہ تربتِ زہراؑ پر
جا کر وہاں کہتی ہے معصومۂ قمؑ رو کر
دادیؑ، میرے بابا کو کیا آپ نے دیکھا ہے
شبیرؑ کی غربت کا نوحہ یہ سناتے ہیں
سوکھے ہوئے لب اس کے امت کو بتاتے ہیں
اس نے بھی دمِ آخر پانی نہیں پایا ہے
غربت ہے تقلمؔ یہ شبیرؑ کی غربت سی
اک بیٹی ہے یثرب میں صغریٰؑ کی طرح اس کی
اس واسطے میت کا رخ سوئے مدینہ ہے