ہے جنازہ حیدرِ کرارؑ کا
مومنو دو مل کے کندھا، ہے جنازہ حیدرِ کرارؑ کا
چل بسا زینبؑ کا بابا، ہے جنازہ حیدرِ کرارؑ کا
کس نے یہ محراب میں رکنِ ہدایت ڈھا دیا، یہ ستم کیسا ہوا
نوحہ یہ جبرئیلؑ کا تھا، ہے جنازہ حیدرِ کرارؑ کا
روک لو بھیا جنازہ میرے بابا جان کا، رو کے زینبؑ نے کہا
دیکھ لوں چہرہ دوبارہ، ہے جنازہ حیدرِ کرارؑ کا
کوئی زینبؑ سے یہ کہہ دے رو لے جی بھر کر ابھی، ساتھ ہیں بھائی سبھی
ہے سلامت تیرا پردہ، ہے جنازہ حیدرِ کرارؑ کا
عید ہے نزدیک اور گھر میں قیامت ہو گئی، ہے صفِ ماتم بچھی
کہہ رہی ہے رو کے زہراؑ، ہے جنازہ حیدرِ کرارؑ کا
کون کوفے کے یتیموں کا رکھے گا اب خیال، غم سے ہیں سارے نڈھال
شور ہے وا غربتا کا، ہے جنازہ حیدرِ کرارؑ کا
باپ کے قدموں پہ سر رکھ کر حرم کی آس نے، یہ کہا عباسؑ نے
الوداع غازی کے بابا، ہے جنازہ حیدرِ کرارؑ کا
تیر آئے گا جنازے پر نہ پتھر آئے گا، اور نہ واپس جائے گا
شان سے یہ دفن ہوگا، ہے جنازہ حیدرِ کرارؑ کا
شام کا احوال جب بیٹی سے کہتے تھے علیؑ، غم کے مارے اس گھڑی
زرد تھا مولا کا چہرہ، ہے جنازہ حیدرِ کرارؑ کا
ہے تکلم یہ قیامت روزہ داروں کے لیے، پُرسہ داروں کے لیے
آؤ دیں مہدیؑ کو پُرسہ، ہے جنازہ حیدرِ کرارؑ کا
Hai janaza Haider-e-Karrar ka
Momino do mil ke kandha, hai janaza Haider-e-Karrar ka
Chal basa Zainab ka baba, hai janaza Haider-e-Karrar ka
Kis ne yeh mehrab mein rukn-e-hidayat dha diya, yeh sitam kaisa hua
Noha yeh Jibreel ka tha, hai janaza Haider-e-Karrar ka
Rok lo bhaiyya janaza mere baba jaan ka, ro ke Zainab ne kaha
Dekh loon chehra dobara, hai janaza Haider-e-Karrar ka
Koi Zainab se yeh keh de ro le jee bhar kar abhi, saath hain bhai sabhi
Hai salamat tera parda, hai janaza Haider-e-Karrar ka
Eid hai nazdeek aur ghar mein qayamat ho gayi, hai saf-e-matam bichi
Keh rahi hai ro ke Zehra, hai janaza Haider-e-Karrar ka
Kon Kufe ke yateemo ka rakhe ga ab khayal, gham se hain saare nidhaal
Shor hai wa gurbata ka, hai janaza Haider-e-Karrar ka
Baap ke qadmon pe sar rakh kar haram ki aas ne, yeh kaha Abbas ne
Alvida Ghazi ke baba, hai janaza Haider-e-Karrar ka
Teer aaye ga janaze par na pathar aaye ga, aur na wapas jaye ga
Shaan se yeh dafan hoga, hai janaza Haider-e-Karrar ka
Shaam ka ahwal jab beti se kehte the Ali, gham ke maare us ghari
Zard tha Maula ka chehra, hai janaza Haider-e-Karrar ka
Hai Takallum yeh qayamat rozadaron ke liye, pursadaron ke liye
Aao dein Mehdi ko pursa, hai janaza Haider-e-Karrar ka