یا مولانا یا صاحب الزمان
الغوث، الغوث، الغوث
ادرکنی، ادرکنی، ادرکنی
الساعۃ، الساعۃ، الساعۃ
العجل، العجل، العجل
بلاتے ہیں رو رو کے اہلِ عزا
چلے آؤ اے ابنِ مشکل کشا
تمہیں حقِ زہراؑ کا ہے واسطہ
چلے آؤ اے ابنِ مشکل کشا
ہے پھیلی جہاں میں عجب سی وبا
عطا سارے عالم کو کیجئے شفا
وسیلہ ہیں بیمارِ کرب و بلا
خدا کی شریعت کا دلشاد ہو
یہ ویران کعبہ پھر آباد ہو
لگانے علم اس پہ عباسؑ کا
ہوں ہم پیچھے پیچھے تم آگے چلو
نصیبِ اربعین ایک ایسا بھی ہو
تمہاری قیادت میں ہو قافلہ
جسے دیکھیے ہے پریشاں یہاں
یہ وقتِ کرم ہے امامِ زماں
کرو ہر سوالی کی حاجت روا
میرا خواب بھی محوِ تعبیر ہو
اے مولا بقایا کی تعمیر ہو
لبوں پر مسلسل یہی ہے دعا
مریضِ محبت تڑپتا رہے
مگر تیرا دیدار کر نہ سکے
بھلا ایسا جینا بھی کس کام کا
ہمارے عمل میں دکھاوا نہ ہو
محبت کا بس جھوٹا دعویٰ نہ ہو
پھر اشکوں کے لب خود یہ دیں گے صدا
زمانے میں ہوتے ہوئے آپ کے
کہیں اپنی روداد کیوں غیر سے
میری غیرتوں کی تمہی ہو انا
تمہی تو زمانے کے ہو چارہ گر
میری مجھ سے بہتر تمہیں ہے خبر
کہوں کیا میں حالِ دلِ غم زدہ
ہلال اور میثم کی ہے التجا
تمہاری زباں سے اے کاش اک دفعہ
سنیں ہم بھی روتے ہوئے نوحہ
بلاتے ہیں رو رو کے اہلِ عزا
چلے آؤ اے ابنِ مشکل کشا
Ya Maulana Ya Sahib-uz-Zamaan
Al ghaus, al ghaus, al ghaus
Adrikni, adrikni, adrikni
As-sa’ah, as-sa’ah, as-sa’ah
Al-ajal, al-ajal, al-ajal
Bulaate hain ro ro ke Ahle Aza
Chale aao ae Ibne Mushkil Kusha
Tumhein Haq-e-Zehra ka hai waasta
Chale aao ae Ibne Mushkil Kusha
Hai phaili jahan mein ajab si waba
Ata saare aalam ko kijiye shifa
Waseela hain beemaar-e-Karb-o-Bala
Khuda ki shariat ka dilshaad ho
Ye veeran Kaaba phir abaad ho
Lagaane alam is pe Abbas ka
Hon hum peeche peeche tum aage chalo
Naseeb-e-Arbaeen aik aisa bhi ho
Tumhari qiyaadat mein ho qafila
Jise dekhiye hai pareshaan yahan
Ye waqt-e-karam hai Imam-e-Zamaan
Karo har sawaali ki haajat rawa
Mera khwab bhi mahv-e-taabeer ho
Ai Maula baqayya ki ta’meer ho
Labon par musalsal yahi hai dua
Mareez-e-mohabbat tarapta rahe
Magar tera deedaar kar na sake
Bhala aisa jeena bhi kis kaam ka
Hamare amal mein dikhaawa na ho
Mohabbat ka bas jhoota daawa na ho
Phir ashkon ke lab khud ye denge sada
Zamaane mein hote hue aap ke
Kahein apni roodaad kyun ghair se
Meri ghairaton ki tumhi ho ana
Tumhi to zamaane ke ho chaaragar
Meri mujh se behtar tumhein hai khabar
Kahun kya main haal-e-dil-e-ghamzada
Hilaal aur Maisam ki hai iltija
Tumhari zubaan se ai kaash aik dafa
Sunein hum bhi rote hue nauha
Bulaate hain ro ro ke Ahle Aza
Chale aao ae Ibne Mushkil Kusha