بی بی زہرا (س) نے رو کر کہا، ہائے بابا میری پسلیاں،
آ گیا میرا وقتِ قضا، ہائے بابا میری پسلیاں۔
تم سلامی کو آتے تھے اور آگ لے کر وہ آئے یہاں،
مجھ پہ دروازہ آ کر گرا، ضرب جب ایک لگی ناگہاں،
منہ سے بس ایک نکلی صدا، ہائے بابا میری پسلیاں۔
ظالموں نے وہ ڈھایا ستم، در تلے مجھ کو روندا گیا،
میخ پہلو میں آ کر لگی، کیسا صدمہ ہے وا غربتا،
میرا محسن (ع) بھی مارا گیا، ہائے بابا میری پسلیاں۔
اپنی تکلیف سے بڑھ کے غم ہے مجھے تو بس اس بات کا،
ہیں اکیلے بہت مرتضیٰ (ع)، رخ یوں بدلا ہے حالات کا،
کس طرح سے کہوں میں بھلا، ہائے بابا میری پسلیاں۔
کیا سناؤں میں دربار کی، اپنا حق میں جتاتی رہی،
مجھ کو ایسے طمانچے لگے، منہ علی (ع) سے چھپاتی رہی،
پوچھو شبیر (ع) سے وہ ماجرا، ہائے بابا میری پسلیاں۔
وہ سہے گی بہت سختیاں، ہوگا اُمّ المصائب لقب،
میری تکلیف دیکھے اگر، ہوگا اس سے بڑا کیا غضب،
میں نے زینب (س) سے چھپ کر کہا، ہائے بابا میری پسلیاں۔
جب تلک میری آواز ہو، تم میرے پاس آنا نہیں،
کھانا کھا لیں نہ بچے میرے، تب تلک کچھ بتانا نہیں،
کی ہے فضہ (اسماء) سے یہ التجا، ہائے بابا میری پسلیاں۔
چپکے چپکے میں سہتی رہی، کچھ خبر ان کو ہونے نہ دی،
آخری سانس میں بابا جان، مجھ کو غم ہے تو بس ایک یہی،
کیسے دیکھیں گے شیرِ خدا (ع)، ہائے بابا میری پسلیاں۔
میرا ننھا سا بچہ ہے وہ، جانتا ہی نہیں کیا ہوا،
امّاں امّاں پکارا بہت، میرا شبیر (ع) روتا رہا،
ہو گیا ماں سے اپنی جدا، ہائے بابا میری پسلیاں۔
روک لے حُر (ع) تو اپنا قلم، اب نہ کر کچھ مصائب بیاں،
اپنی دادی (س) کے اس بین پر، رو رہے ہیں امامِ زمان (ع)،
کہتی ہیں آج بھی فاطمہ (س)، ہائے بابا میری پسلیاں۔
Bibi Zahra (sa) ne ro kar kaha, Haye Baba meri pasliyan,
Aa gaya mera waqt-e-qaza, Haye Baba meri pasliyan.
Tum salaami ko aate the aur aag le kar wo aaye yahan,
Mujh pe darwaza aakar gira, zarb jab ek lagi nagahan,
Munh se bas aik nikli sada, Haye Baba meri pasliyan.
Zalimoon ne wo dhaya sitam, dar tale mujh ko ronda gaya,
Mekh pehlu mein aa kar lagi, kaisa sadma hai waa ghurbata,
Mera Mohsin (as) bhi maara gaya, Haye Baba meri pasliyan.
Apni takleef se barh ke gham hai mujhe to bas is baat ka,
Hain akelay bohot Murtaza (as), rukh yun badla hai haalaat ka,
Kis tarah se kahoon main bhala, Haye Baba meri pasliyan.
Kya sunaoon main darbaar ki, apna haq main jataati rahi,
Mujh ko aisay tamanchay lage, munh Ali (as) se chhupaati rahi,
Poochho Shabbir (as) se wo maajra, Haye Baba meri pasliyan.
Wo sahegi bohot sakhtiyan, hoga Ummul Masaib laqab,
Meri takleef dekhe agar, hoga is se bada kya ghazab,
Main ne Zainab (sa) se chhup kar kaha, Haye Baba meri pasliyan.
Jab talak meri awaaz ho, tum mere paas aana nahi,
Khaana khaa lein na bachay mere, tab talak kuch batana nahi,
Ki hai Fizza (Asma) se ye iltija, Haye Baba meri pasliyan.
Chupke chupke main sahti rahi, kuch khabar unko hone na di,
Aakhri saans mein Baba jaan, mujh ko gham hai to bas aik yahi,
Kaise dekhein ge Sher-e-Khuda (as), Haye Baba meri pasliyan.
Mera nanha sa bacha hai wo, jaanta hi nahi kya hua,
Amma Amma pukara bohot, mera Shabbir (as) rota raha,
Ho gaya maa se apni juda, Haye Baba meri pasliyan.
Rok le Hur (as) tu apna qalam, ab na kar kuch masaib bayan,
Apni Daadi (sa) ke is bain par, ro rahe hain Imam-e-Zamaan (as),
Kehti hain aaj bhi Fatima (sa), Haye Baba meri pasliyan.