زخمی پیشانی جو سجدے میں رکھی زینب ع نے
زندگی سجدہ شبیر کو دی زینب ع نے
کر بلا یوں تری تقدیر لکھی زینب ع نے
تیری قبروں پہ جھکائے ہیں نبی زینب ع نے
پہلے زہرا نے بچایا تھا علی یثرب میں
دوسری بار بچایا ہے….. علی زینب نے
اس لیے کہتے ہیں بی بی کو مصائب کی ماں
زندگی بھر نہ کوئی دیکھی خوشی زینب ع نے
جس طرح بابا کی گردن میں رسن دیکھی تھی
دیکھی شبیر کی گردن پہ چھری زینب نے
سامنے آئی جو بازار کی ناپاک فضا
تب صدا اپنے علمدار کو دی زینب نے
شام والوں نے جو سوغات میں دو بالیاں دیں
قبر غازی پہ وہ سوغات رکھی زینب نے
ماں نے دربار سقیفہ میں جو پردے میں لڑی
بندھے ہاتھوں سے وہی جنگ لڑی زینب نے
خاک مقتل سے ردا اپنی بنا کے محسن
لائق سجدہ کیا اس کو دکھی زینب نے
Zakhmi peshani jo sajde mein rakhi Zainab (a) ne
Zindagi sajda Shabbir ko di Zainab (a) ne
Karbala yun teri taqdeer likhi Zainab (a) ne
Teri qabron pe jhukaye hain Nabi Zainab (a) ne
Pehle Zahra ne bachaya tha Ali Yathrib mein
Doosri baar bachaya hai Ali Zainab ne
Is liye kehte hain Bibi ko masaib ki maa
Zindagi bhar na koi dekhi khushi Zainab (a) ne
Jis tarah baba ki gardan mein rasan dekhi thi
Dekhi Shabbir ki gardan pe chhuri Zainab ne
Saamne aayi jo bazaar ki napaak fiza
Tab sada apne Alamdar ko di Zainab ne
Shaam walon ne jo soghaat mein do baaliyaan dein
Qabr-e-Ghazi pe woh soghaat rakhi Zainab ne
Maa ne darbar-e-Saqeefa mein jo parde mein lari
Bandhe haathon se wohi jang lari Zainab ne
Khaak-e-maqtal se rida apni bana ke Mohsin
Laiq-e-sajda kiya us ko dukhi Zainab ne