کون پہنچائے گا اب رزق علیؑ زخمی ہیں
آج کوفہ کے یتیموں کی خدا خیر کرے
کوفہ میں گونجتی ہے صدا ہر یتیم کی
ہم لوگ مر گئے تیرے مرنے سے یا علیؑ
انیسویں کی صبح قیامت کی تھی خبر
فاقے ہیں تین روز سے ہم بے کسوں کے گھر
دنیا سے تم گئے تو یہ دنیا بدل گئی
ہم لوگ مر گئے…
کہتا ہے ہر یتیم کہ تنہا نہ چھوڑیے
لے جائیے مجھے ساتھ، اکیلا نہ چھوڑیے
کوفہ میں ہم غریبوں کا باقی نہیں کوئی
ہم لوگ مر گئے…
نابینا ایک ضعیف یہ کہتا ہے بارہا
اب کون مجھ کو ہاتھوں سے کھانا کھلائے گا
آئے گا کون پوچھنے اب خیریت مری
ہم لوگ مر گئے…
لے کر پیالے شیر کے آئے یتیم سب
روئے حسنؑ سے مل کے یتیمانِ کوفہ جب
دروازۂ علیؑ پہ قیامت بپا ہوئی
ہم لوگ مر گئے…
ہر حال میں سنبھالنے والا چلا گیا
غربت میں ہم کو پالنے والا چلا گیا
کس طرح سے بھلائیں کریمی امامؑ کی
ہم لوگ مر گئے…
پہلے ہی مضطرب تھی طبیعت حسینؑ کی
یاد آ گئی امامؑ کو پھر اپنی لاڈلی
در پر صدا جو کوفہ کے بچوں نے آ کے دی
ہم لوگ مر گئے…
باہر جو گھر سے آیا جنازہ امامؑ کا
رونے سے اہلِ بیتؑ کے کوفہ لرز گیا
چاروں طرف سے آتی تھی آواز بس یہی
ہم لوگ مر گئے…
یہ کون بی بی ہے جو جنازے کے ساتھ ہے
جھک جھک کے چل رہی ہے وہ پہلو پہ ہاتھ ہے
کیا فاطمہؑ یہ سن کے مدینے سے آ گئی؟
ہم لوگ مر گئے…
مائیں یہ کہہ کے میرؔ تکلم ہوئیں نڈھال
رکھتے تھے ان یتیموں کا کتنا علیؑ خیال
محسوس ہوگی بچوں کو اب باپ کی کمی
ہم لوگ مر گئے…
kaun pahunchayega ab rizq ali zakhmi hai
aaj kufe ke yateemon ki khuda khair kare
kufe may goonjti hai sada har yateem ki
hum log mar gaye tere marne se ya ali
unnesvi ki subha qayamat ki thi khabar
faaqe hai teen rooz se hum bekason ke ghar
dunya se tum gaye to ye dunya badal gayi
hum log mar gaye…
kehta hai har yateem ke tanha na chodiye
le jaye mujhko saath akela na chodiye
kufe may hum ghareebon ka baaqi nahi koi
hum log mar gaye…
naabina ek zaeef ye kehta hai baareha
ab kaun mujhko haathon se khana khilayega
aayega kaun poochne ab khariyat meri
hum log mar gaye…
lekar pyaale sheer ke aaye yateem sab
roye hassan se mil ke yateemane kufa jab
darwaza e ali pe qayamat bapa hui
hum log mar gaye…
har haal may sambhalne waala chala gaya
ghurbat may humko paalne waala chala gaya
kis tarha se bhulayein kareemi imam ki
hum log mar gaye…
pehle hi muztarib thi tabiyat hussain ki
yaad aa gayi imam ko phir apni laadli
dar par sada jo kufe ke bachon ne aa ke di
hum log mar gaye…
baahar jo ghar se aaya janaza imam ka
rone se ahlebayt ke kufa laraz gaya
charon taraf se aati thi aawaz bas yehi
hum log mar gaye…
ye kaun bibi hai jo janaze ke saath hai
jhuk jhuk ke chal rahi hai wo pehlu pe haath hai
kya fatema ye sunke madine se aa gayi
hum log mar gaye…
maayein ye kehke mir takallum hui nidhaal
rakhte thay in yateemon ka kitna ali khayaal
mehsoos hogi bachon ko ab baap ki kami
hum log mar gaye…
| Noha Title | Hum Log Margaye |
|---|---|
| Reciter | Mir Hasan Mir |
| Poet | Janab Mir Takallum Mir |
| Compose | Janab Raza Shah |