چہرہ شبیر نے دیکھا جو تمہارا عباس
حسنِ یوسف سے ترا صدقہ اتارا عباس
ہو علی، فاطمہ، زینب یا حسن اور حسین
جانے ہے کتنے سہاروں کا سہارا عباس
تم نے سب کچھ ہی عطا کردیا بن مانگے ہمیں
شکریہ کیسے ادا ہوگا تمھارا عباس
تم ہو عباس مددگارِ حسین ابنِ علی
تم پلٹ دوگے برے وقت کا دھارا عباس
بخدا خوف سے مر جانے کو ہی کافی تھا
تیرے دشمن کو ترا ایک اشارہ عباس
نوح کی طرح سے لاریؔن ہُوں طوفانوں میں
اس سفینے کو دکھا دیجے کنارا عباس
Chehra-e-Shabbir ne dekha jo tumhara Abbas
Husn-e-Yousuf se tera sadqa utara Abbas
Ho Ali, Fatima, Zainab ya Hasan aur Hussain
Jaane hai kitne saharon ka sahara Abbas
Tum ne sab kuch hi ata kar diya bin maange humein
Shukriya kaise ada hoga tumhara Abbas
Tum ho Abbas madadgaar-e-Hussain ibn-e-Ali
Tum palat doge buray waqt ka dhaara Abbas
Bakhuda khauf se mar jaane ko hi kaafi tha
Tere dushman ko tera aik ishara Abbas
Nooh ki tarah se Laarin hoon toofanon mein
Is safeenay ko dikha deejiye kinara Abbas