Jo Khudayi Ko Chalaye Wo Ali Hota Hai
Kam Nabiyon Ke Jo Aye Wo Ali Hota Hai
Aik Shab Sone Ki Kimat Main Khuda Ki Marzi
Shab E Hijrat Jo Kamaye Wo Ali Hota Hai
Mil Ke Kaba Jo Banaye Wo Nabi Hote Hai
Aur Kabe Main Jo Aye Wo Ali Hota Hai
Roz E Mehshar Jisa Allah Adalat Ke Liye
Apni Kursi Pe Bithaye Wo Ali Hota Hai
Ban Ke Mehmaan Jo Mearaaj Pe Jaye Wo Nabi
Hath Jo Aake Milaye Wo Ali Hota Hai
Aik Allah Ke Darbaar Main Sajde Ke Siwa
Jo Kahi Sar Na Jukaye Wo Ali Hota Hai
Aasmano Se Utari Hue Talwar Ko Bhi
Waar Karna Jo Sikhaye Wo Ali Hota Hai
Apne Dushman Ko Bhi Hijrat Ke Haseen Bistar Par
Jo Mohammad Nazar Aye Wo Ali Hota Hai
Hum Ko Bas Itna Pata Hai Ke Jo Hubdaron Ka
Qabr Tak Sath Nibhaye Wo Ali Hota Hai
Khol Kar Khutbon Se Takhliq Ke Parde Khud Jo
Un Ke Asbaab Bataye Wo Ali Hota Hai
Looh E Mehfooz Se Jibrel E Ameen Ko Akbar
Wohi Parhna Jo Sikhaye Wo Ali Hota Hai
| Manqabat Title | Wo Ali Hota Hai |
|---|---|
| Recited By | Mir Hasan Mir |
| Written By | Hasnain Akbar |
| Composition | Janab Zair Naqvi (Canada) |
| Manqabat | 13 Rajab 2026 |